Follow Us At:
Chilld Safety's

बालयौन सुरक्षा पोर्टल सुरु- कान्तिपुर दैनिक

  • बालयौन सुरक्षा पोर्टल सुरु- कान्तिपुर दैनिक

बालयौन सुरक्षा पोर्टल सुरु- कान्तिपुर दैनिक

कान्तिपुर संवाददाता

काठमाडौँ — इन्टरनेटका बाल यौन दुर्व्यवहारजन्य सामग्री निरुत्साहित गर्ने उद्देश्यले ‘चाइल्ड सेफ्टी डट ओआरजी डट एनपी’ पोर्टल सुरु गरिएको छ । फोरम फर डिजिटल इक्वालिटी, इन्टरनेट सोसाइटी नेपाल र सेन्टर फर ल एन्ड टेक्नोलोजीको साझा अभियान अनलाइन चाइल्ड प्रोटेक्सन इनिसियटिभ र बेलायतस्थित इन्टरनेट वाच फाउन्डेसनको संयुक्त पहलमा बुधबार काठमाडौंमा उक्त पोर्टल लन्च गरिएको हो ।

इक्वालिटीका कार्यकारी निर्देशक बाबुराम अर्यालका अनुसार इन्टरनेटमा बालहिंसा वा यौन दुर्व्यवहारजन्य सामग्री फेला परेमा जोकसैले पोर्टलमा उजुरी गर्न सक्नेछन् । उजुरीलाई इन्टरनेट वाच फाउन्डेसनले विकास गरेको आईडब्लूएफ पोर्टलको टुल्समार्फत प्राविधिक विश्लेषण गरी प्रतिवेदन तयार गरिनेछ ।

प्रतिवेदनलाई नेपाल प्रहरीलगायत कानुन कार्यान्वयन निकायले थप अनुसन्धान तथा कानुनी कारबाहीका लागि प्रयोग गर्न सक्नेछन् । आवश्यक देखिएमा सम्बन्धित सेवा प्रदायकको सहयोगमा उक्त सामग्री स्रोतबाटै हटाउन पहल गरिनेछ ।

पोर्टलमा उजुरी गर्ने टुल्सलगायत बालबालिकालाई इन्टरनेट प्रयोग गर्ने सम्बन्धमा आवश्यक जानकारी, नीति तथा कानुनलगायत उपलब्ध हुनेछ । पोर्टलको सफ्ट लन्च कार्यक्रममा सञ्चार तथा सूचना प्रविधि मन्त्रालयका सहसचिव वीरेन्द्रकुमार मिश्र र दूरसञ्चार प्राधिकरणका निमित्त अध्यक्ष पुरुषोत्तम खनालले आवश्यक सहयोग गर्ने प्रतिबद्धता जनाएका थिए ।